Broken Heart SMS: Aabginoo ki tarah dil hian gareebon k FARAZ

 ────(♥)(♥)(♥)────(♥)(♥)(♥)
──(♥)██████(♥)(♥)██████(♥)
─(♥)████████(♥)████████(♥)
─(♥)██████████████████(♥)
──(♥)████████████████(♥)
Q hamen mout k peygaam diye jate hain
Ye saza kam to nhi ha k jiye jate hain

Hhm hain ek shama magar dekh, bujhte bujhte
Roshni kitney andheroun ko diye jate hain

Nasha dono me ha saaqi, mujhe gam dy k sharab
Mai b pee jati ha, aansoo b piye jate hain

Tujh ko barson se q ha tark-e-tallauk ka khaayal
Faiseley wo hain jo pal bhar me liye jatey hian

Apni tareekh-e-mohabat k wo hi hain SOQRAAT
Hans kr hr saans pr jo zehr piye jate hain

Aabginoo ki tarah dil hian gareebon k FARAZ
Toot jate hian kabhi tor diye jate hain….
────(♥)████████████(♥)
──────(♥)████████(♥)
────────(♥)████(♥)
─────────(♥)██(♥)
───────────(♥)

Mohabbat

Mohabbat Bhi To Ek Tarah Ki Siyasat Hoti Hai

Jo Kamiyab Huye Unhein Baadshahi Mili

Aur Jo Nakaam Huye Unhein Qaid-e-Tanhai Mili

Parveen Shakir Shayari

Parveen Shakir :

Zaroorat Tor Deti Hai Gharur O Byniazi Ko
Na Hoti Koi Majburi To Har Banda Khuda Hota…

Ajib tarz-e-mulaqat ab k bar rahi.....Poetry by Parveen Shakir

Ajib tarz-e-mulaqat ab k bar rahi

tumhin the badle hue ya meri nigahen thin

tumhari nazron se lagta tha jaise meri bajaye

tumhare ghar main koi aur shakhs aya hai

tumhare ohad ki denen tumhen mubarak

so tum ne mera swagat usi tarah se kiya

jo afsaran-e-hukumat k aitaqad main hai

takallufan mere nazdik a k baith gaye

phir ehtamam se mausam ka zikr cher diya

kuch us k bad siyasat ki bat bhi nikli

adab par bhi koi do char tabsare faramaye

magar na tum ne hamesha ki tarah ye pucha

kya waqt kaisa guzarta hai tera jan-e-hayat

pahar din ki aziyat main kitni shiddat hai

ujar rat ki tanhai kya qayamat hai

shabon ki sust rawi ka tujhe bhi shikwa hai

gam-e-firaq k qisse nishat-e-wasl ka zikr

rawayatan hi sahi koi bat to karte

chehra mera tha nigahen us ki

chehra mera tha nigahen us ki

khamushi main bhi wo baten us ki

mere chehre pe gazal likhti gain

sher kahti hui ankhen us ki

shokh lamhon ka pata dene lagin

tez hoti hui sansen us ki

aise mausam bhi guzare ham ne

subhen jab apni thin shamain us ki

dhyan main us k ye alam tha kabhi

ankh mahtab ki yaden us ki

faisala mauj-e-hawa ne likkha

andhiyan meri baharen us ki

nind is soch se tuti aksar

kis tarah katati hain raten us ki

dur rah kar bhi sada rahti hai

mujh ko thame hue bahen us ki

Wo To Khushbu Hai Hawaon Main Bikhar Jayega

wo to khushbu hai hawaon main bikhar jayega

masla phul ka hai phul kidhar jayega

ham to samjhe the k ek zakhm hai bhar jayega

kya khabar thi k rag-e-jan main utar jayega

wo hawaon ki tarah khanabajan phirta hai

ek jhonka hai jo ayega guzar jayega

wo jab ayega to phir us ki rafaqat k liye

mausam-e-gul mere angan main thahar jayega

akhir wo bhi kahin ret pe baithi hogi

tera ye pyar bhi dariya hai utar jayega

Sundar Komal Sapnon Ki Barat Guzar Gai Janan

Sundar komal sapnon ki barat guzar gai janan

dhup ankhon tak a pahunchi hai rat guzar gai janan

bhor samay tak jis ne hamain baham uljhaye rakha

wo albeli resham jaisi bat guzar gai janan

sada ki dekhi rat hamain is bar mili to chup k se

khali hath pe rakh k kya saugat guzar gai janan

kis konpal ki as main ab tak waise hi sar-sabz ho tum

ab to dhup ka mausam hai barsat guzar gai janan

log na jane kin raton ki muraden manga karte hain

apni rat to wo jo tere sath guzar gai janan

Mushkil Hai Ab Shahar Main Nikle Koi Ghar Se.....Parveen Shakir

mushkil hai ab shahar main nikle koi ghar se
dastar pe bat a gai hai hoti hui sar se

barsa bhi to kis dasht k be-faiz badan par
ik umr mere khet the jis abr ko tarse

is bar jo indhan k liye kat k gira hai
chiriyon ko bara pyar tha us burhe shajar se

mehnat meri andhi se to mansub nahin thi
rahna tha koi rabt shajar ka bhi samar se

khud apne se milne ka to yara na tha mujh main
main bhir main gum ho gai tanhai k dar se

benam musafat hi muqaddar hai to kya gam
manzil ka ta'yyun kabhi hota hai safar se

pattharaya hai dil yun k koi ism parha jaye
ye shahar nikalta nahin jadu k asar se

nikle hain to raste main kahin sham bhi hogi
suraj bhi magar ayega is rah-guzar se

Kuch Faisala To Ho K Kidhar Jana Chahiye.....Poetry by Parveen Shakir

kuch faisala to ho k kidhar jana chahiye
pani ko ab to sar se guzar jana chahiye

har bar aeriyon pe gira hai mera lahu
maqtal main ab ba-tarz-e-digar jana chahiye

kya chal saknge jin ka faqat mas'la ye hai
jane se pahle rakht-e-safar jana chahiye

sara jwar-bhata mere dil main hai magar
ilzam ye bhi chand k sar jana chahiye

jab bhi gaye azab-e-dar-o-bam tha wahi
akhir ko kitni der se ghar jana chahiye

tohamat laga k man pe jo dushman se dad le
aise sukhanfarosh ko mar jana chahiye

Khushbu Hai Wo To Chu K Badan Ko Guzar Na Jaye.....Parveen Shakir

khushbu hai wo to chu k badan ko guzar na jaye
jab tak mere wajud k andar utar na jaye

khud phul ne bhi honth kiye apne nim-wa
chori tamam rang ki titli k sar na jaye

is khauf se wo sath nibhane k haq main hai
kho kar mujhe ye larki kahin dukh se mar na jaye

palkon ko us ki apne dupatte se ponch dun
kal k safar main aj ki gard-e-safar na jaye

main kis k hath bhejun use aj ki dua
qasid hawa sitara koi us k ghar na jaye

Baad Muddat Usay Dekha "Logo"

www.whosms.com

Ajnabi By Parveen Shakir

www.sms2friends.com

Kitni Dair Tak

parveen shakir

WO JO NAKSH THAY TERI YAD K....:(

WO JO NAKSH THAY TERI YAD K....:(

Wo jo naksh thay teri yad k mujhay khuwab kasay dikha gaey.....

kabhi waqt rah main ruk gia kabhi phool lot k aa gaey......



wo jo geet tum nay suna nhn meri umer bhar ka riaz tha....

meray dard ki thi wo dastan jisay tum hansi main urra gaey....



ye jo silsala sa hai piyar ka main nay dakha is main ye mojza....

wo jo lafz meray gumaan main thay wo teri zuban pay aa gaey....



meri umer say na simat sakay meray dil main itnay swal thay...:(

teray pas jitnay jawab thay meri ek nigaah main aa gaey......



_--_--_--_--_--CHALO BE KHUWAB HO JAEN_--_--_--_--_--_--_--

TUMHARA NAAM LIKHTA HON.....

tumhara naam

Main subh o sham

likhta hon

jahan main jitni bhi achi

zubanain boli jati hain

main un say lafz chunta hon

TUMHARA NAAM LIKHTA HON

TUMHARA NAAM LIKHTA HON.......

'arz-e-niyaaz-e-ishq ke qaabil naheeN raha

urdu poetry urdu sms

'arz-e-niyaaz-e-ishq ke qaabil naheeN raha
jis dil pe naaz tha mujhe wo dil naheeN raha

jaata hooN daaGH-e-hasarat-e-hastee liye hue
hooN shamma'a_kushta darKHur-e-mehfil naheeN raha

marne ki 'ei dil aur hee tadabeer kar ki maiN
shaayaan-e-dast-o-baazu-e-​qaatil naheeN rahaa

bararoo-e-shash jihat dar-e-aaina_baaz hai
yaaN imtiaz-e-naakis-o-qaamil naheeN rahaa

waa kar diye haiN shauq ne band-e-naqaab-e-husn
GHair_az nigaah ab koee haayal naheeN raha

go maiN raha, rahee na sitam haaye rozgaar
lekin tere KHayaal se GHaafil naheeN raha

dil se hawa-e-kisht-e-wafa miT gayee ki waaN
haasil siwaay hasrat-e-haasil naheeN raha

bedaad-e-ishq se naheeN Darta magar 'Asad'
jis dil pe naaz tha mujhe wo dil naheeN raha.

Agar mein hadh se guzar jaon to mujhe maaf kardena

Agar mein hadh se guzar jaon to mujhe maaf kardena

Agar mein hadh se guzar jaon to mujhe maaf kardena
Tere dil mein utar jaaon to mujhe maaf kardena

Yun hi ghusey mein akar dant dena to meri adat hai
Agar aesa main kar jaaon to mujhe maaf kardena

Raste mein tujhe dekh kar teri deed ki hatir
Pal bhar jo theher jaaon to mujhe maaf kardena

Teri pal bhar

Mohabat ko agar samjho, to tmhari zaat jesi he…!

Mohabat ko agar samjho, to tmhari zaat jesi he…!

Muhabbat is tarah jaise gulabi titliyon k pr,
Mohabat zindgani ki jabeen-e-naz ka jhoomr,
Muhabbat arzoo ki seep ka anmol sa gohar,
Mohabat aas ki dhoop me umeed ki chaadar,
Mohabat hi tery gesu,
teri palken,
teri ankhen,
Mohabat he teri baaten,
Mohabat he tmhary hijar ki or wisl ki raaten,
Mohabat he teri dharkan,
Mohabat he teri saansen,
Mohabat tmhari baat jesi he,
Mohabat ko agar samjho, to tmhari zaat jesi he…!

Unglian toot gaen pather tarashte tarashte!!

Unglian toot gaen pather tarashte tarashte!!

Unglian toot gaen pather tarashte tarashte
‘Faraz”!!
Aur jab bani soorat-e-yaar tu kharidar aa gaye..:((

Romentic SMS-jisam uska bhi hai matti ka meri trha...

Romentic SMS-jisam uska bhi hai matti ka meri trha...

jisam uska bhi hai matti ka meri trha...
fir mera hi DIL ko uski Talab kiyun hai...!!